Суратга олиш майдончасида ҳамкасбларини ўлдириб қўйишига оз қолган актёрлар

Томошабинлар учун суратга олиш майдончаси қанчалик қизиқарли ва ажойиб бўлиб кўринса ҳам, камера қаршисида ишлаш ҳатто энг тажрибали хавфсизлик координатори билан ҳам баъзан хавфли бўлиши мумкин.

Хироюки Санада Том Крузнинг бошини кесиб ташлашига оз қолган

Том Круз ва суратга олиш майдончасидаги ҳамкасби Хироюки Санада механик отларга миниб, ҳақиқий қилич билан жанг қилишлари керак бўлган саҳна суратга олинади. Бир пайт Санада Круз томонга эгилиб кетади, бироқ у оти туфайли четлаб ўтишга мажбур бўлди.

Аммо механизм-от ишламай қолади, натижада Санада вазиятни ўзи ҳал қилишига тўғри келади. Бу унчалик осон эмасди, чунки у иккинчи қўли билан отни бошқарган. Актёрнинг қиличи Крузнинг бўйнидан бир неча сантиметр наридан ўтиб кетади. Айни шу кадрдаги фонда суратга олиш гуруҳининг қичқириқлари эшитилиб қолган — улар Крузнинг боши елкасидан учиб кетди, деб ўйлашган.

Крис Лоуэлл Кери Маллиганни ёстиқ билан бўғиб ўлдириб қўяй деган

Фильмдаги энг кутилмаган кадрлардан бири партнёри Кери Маллиганни ёстиқ билан бўғиб қўйган пайт эди. Ушбу саҳнанинг суратга олиниши икки дақиқа давом этган.

Фильм режиссёри Эмералд Феннелл уларга саҳнани ишонарли тарзда ўйнашни таклиф қилади. Кадр хавфсиз ўтиши учун Лоуэлл актрисага жиддий зарар етказишидан олдин уни тўхтатиши керак бўлган каскадёр-координатор бошқаради. Саҳна бир неча марта суратга олинади. Охирги кадрда актёр Маллиганни ҳақиқатан ҳам бўға бошлайди. Яхшиямки, у ўз вақтида тўхтатилади, Маллиган эса ёстиқни юзидан олиб ташлаб, йиғлай бошлайди.

Жерард Батлер Ҳилари Суонкка жароҳат етказган

Гарчи фильмда Батлернинг қаҳрамони ҳалок бўлса ҳам айнан Ҳилари Суонк суратга олиш пайтида ҳаёт билан хайрлашишига оз қолади. Актриса интервьюларидан бирида кулгили кўринган саҳнани суратга олиш вақтидаги нохуш ҳолат билан ўртоқлашади: қисқа кадрда актёр Суонк олдида фақат калта шорти ва илгаклар (подтяжка)да рақсга тушади, бу эса охир-оқибат даҳшатли фожиага олиб келади.

Фильм ижодкорлари деярли бир ярим кун давомида мазкур саҳнани суратга олган, Батлернинг ўзи ҳам “шорти кийган аҳмоқ каби рақсга тушган”. Тўсатдан тимсоҳнинг оғзига ўхшаган илмоқдаги қисқич чиқиб кетади. Актёрнинг боши узра учиб ўтиб, Суонкнинг бошига тегиб, терисини кесиб ташлайди. Актрисани шошилинч касалхонага олиб боришга тўғри келади. 

Эмилия Кларк Семюел Л. Жексонни машинада босиб кетишига оз қолган

Marvel олами ўзининг қимматли ходимларидан бири — Самуэл Л. Жексонни деярли йўқотиб қўяй деган. Yahoo! Entertainment’га берган интервьюсида актриса суратга олиш майдончасида актёрни ўлдириб қўйишига оз қолганини айтиб беради — саҳнага тайёргарлик кўриш учун вақт йўқлиги сабабли нохуш ҳолат содир бўлади. Кларкнинг сўзларига кўра, актрисани у илгари бошқармаган машинага ўтқазишган. Аммо Кларкнинг уни ҳайдашни ўрганишга вақти йўқ эди.

Актриса таваккал қилади ва рулга ўтиради — натижада ҳалокатли хатога йўл қўяди: у тормоз ўрнига газни босади. Бу орада Жексон йўлидан чиқиб қолади. Яхшиямки, Кларк вазиятни фожиага айлантирмасдан олдин ўзини тутиб олади ва тормозни босади. Жексон у билан уришмайди, жентлменларча ҳаракат қилади. Эмилия эса йиғлайди.

Дольф Лундгрем сабаб Силвестр Сталлоне касалхонага тушиб қолади

“Рокки” франшизасининг фильмлари қонли ва шиддатли бўлиб, бу бокс учрашувларида яққол намоён бўлади. Кейинчалик маълум бўлишича, бу жанглардан бири Силвестр Сталлоне учун деярли ҳалокатли бўлган. “Рокки 4” фильмидаги финал ўйинини суратга олиш чоғида режиссёр сифатида ҳам ишлаган Сталлоне ўзининг экрандаги рақиби Дольф Лундгрендан “ҳақиқатда уришни” сўрайди. Боксчи Сталлоненинг кўкрагига шу қадар қаттиқ зарба берадики, у тўққиз кун реанимацияда ётади.