Afg‘onistonda yo‘lovchi avtobusi devorga urilishi oqibatida 5 nafar fuqaro halok bo‘ldi. Bu haqda Etilaatroz nashri xabar berdi.
Halokat mamlakatning Bag‘lon viloyati hududida yuz bergan. O‘rtacha tezlikda ketayotgan avtobus yo‘l bo‘yida joylashgan fuqaro xonadoni devoriga borib urilgan.
Rasmiylar hodisa oqibatida 5 nafar fuqaro halok bo‘lganini bildirgan. Jarohatlangan 13 nafar fuqaro yaqin hududdagi kasalxonaga olib ketilgan.
Bag‘londagi manbalar hodisa 20-may kuni mahalliy vaqt bilan 02:00 da yuz berganini xabar qilgan. Holat bevosita sodir bo‘lgan Puli-Xumri shahri yaqinidagi “Transport porti” hududiga yordam guruhlari jo‘natilgan.
Politsiya avtohalokat sabablari aniqlanayotganini bildirgan. Kasalxonaga joylashtirilgan fuqarolar salomatligi ijobiy holatda ekani maʼlum qilingan.
Izoh (0)