Kobulda 800 ming afg‘oni (taxminan 140 million so‘mdan ortiq) bahosidagi tillalarni o‘g‘irlagan uch kishi politsiya tomonidan o‘ldirildi. Bu haqda “Sputnik Afg‘oniston” xabar berdi.
“Tolibon”ning Kobuldagi xavfsizlik qo‘mondonligi rasmiysi Xolid Zadran ma’lumotni tasdiqlagan. U Afshar tumanidagi uydan tilla o‘g‘irlaganlikda gumonlangan uch kishi politsiya tomonidan o‘ldirilgani, yana bir kishi yaralanganini aytgan.
Uning qo‘shimcha qilishicha, politsiyaning zudlik bilan ko‘rgan harakatlari natijasida ayblanuvchilar topilgan va politsiya bilan “to‘qnashuv”dan so‘ng o‘g‘rilardan uch nafari halok bo‘lgan. Ulardan o‘g‘irlangan tilla, ikkita miltiq va mashina musodara qilingan.
Izoh (0)