AQSH va Eron hukumatlari Yaqin Sharqdagi vaziyat keskinlashuvi xavfini kamaytirish uchun Ummonda bilvosita muzokaralar o‘tkazdi. Bu haqda Axios xabar berdi.
Ma’lum bo‘lishicha, bu yanvar oyidan beri birinchi marta ikki tomonlama tadbirdir. Amerikada AQSH maʼmuriyatining Yaqin Sharq bo‘yicha koordinatori Brett Makgerk va Eron bo‘yicha maxsus elchi vazifasini bajaruvchi Abram Peyli muzokara o‘tkazgan.
Eronliklar Suriyadagi konsulligini bombardimon qilishga javoban, Isroilga qarshi 350 ga yaqin dron, ballistik va qanotli raketalarni uchirgan aprel voqealari mazkur muzokarani o‘tkazish uchun asos bo‘lgan.
AQSH prezidenti Jo Bayden maʼmuriyatining ikki yuqori martabali amaldori shu hafta Ummonda Eron rasmiylari bilan mintaqaviy hujumlar kuchayib ketishining oldini olish bo‘yicha bilvosita muzokaralar o‘tkazdi, — deydi nashr.
Manbalar muloqotda Eron va uning ishonchli vakillarining mintaqadagi harakatlari oqibatlariga oydinlik kiritish, shuningdek, AQSHning Eron yadro dasturi maqomi bilan bog‘liq xavotirlari muhokama qilinganini aytgan. Oq uy va Davlat departamenti Ummon muzokaralariga izoh berishdan bosh tortgan. Muzokaralar natijalari ham xabar qilinmagan.
Avvalroq Isroilni qo‘llab-quvvatlagani uchun Eron AQSH va Buyuk Britaniyaga qarshi sanksiyalar joriy qilgan edi.
AQSH Moliya vazirligi muhim infratuzilmaga kiberhujumlarda ishtirok etgan Eronning ikkita kompaniyasi va to‘rt nafar shaxsga nisbatan sanksiyalar joriy qilgan. Amerika departamentiga ko‘ra, ular “yomon niyatli kiberfaoliyatga jalb qilingan” va bu 10 dan ortiq kompaniyalar va AQSH davlat idoralariga ta’sir ko‘rsatgan.
Izoh (0)