To‘rt nafar jismoniy shaxs va ikki kompaniya Eron harbiylari nomidan zararli kiberfaoliyat bilan shug‘ullangani uchun sanksiyalar ro‘yxatiga kiritildi. Bu haqda AQSH Moliya vazirligi xabar berdi.
Kiberhujumlar Amerikaning o‘ndan ortiq kompaniyalari va rasmiylariga qarshi qaratilgan bo‘lib, Eron Islom inqilobi qo‘riqchilari korpusi (IIQK) kiberqo‘mondonligi buyrug‘i bilan amalga oshirilgan, — deya taʼkidlaydi AQSH Moliya vazirligi.
To‘rt eronlikka qarshi sanksiyalardan tashqari, AQSH Adliya vazirligi va Federal qidiruv byurosi (FQB) ularni Amerika tashkilotlariga qarshi qaratilgan zararli kiberfaoliyatlarda rasman ayblagan.
- O‘tgan hafta AQSH va Buyuk Britaniya Isroilga havo hujumiga javoban Tehronga qarshi keng qamrovli yangi sanksiyalar kiritgan edi.
- Eronning dron va raketa ishlab chiqarish dasturi, Tehrondagi Mudofaa vazirligi shular jumlasidan.
Izoh (0)