АҚШ ва Эрон ҳукуматлари Яқин Шарқдаги вазият кескинлашуви хавфини камайтириш учун Уммонда билвосита музокаралар ўтказди. Бу ҳақда Axios хабар берди.
Маълум бўлишича, бу январь ойидан бери биринчи марта икки томонлама тадбирдир. Америкада АҚШ маъмуриятининг Яқин Шарқ бўйича координатори Бретт Макгерк ва Эрон бўйича махсус элчи вазифасини бажарувчи Абрам Пейли музокара ўтказган.
Эронликлар Суриядаги консуллигини бомбардимон қилишга жавобан, Исроилга қарши 350 га яқин дрон, баллистик ва қанотли ракеталарни учирган апрель воқеалари мазкур музокарани ўтказиш учун асос бўлган.
АҚШ президенти Жо Байден маъмуриятининг икки юқори мартабали амалдори шу ҳафта Уммонда Эрон расмийлари билан минтақавий ҳужумлар кучайиб кетишининг олдини олиш бўйича билвосита музокаралар ўтказди, — дейди нашр.
Манбалар мулоқотда Эрон ва унинг ишончли вакилларининг минтақадаги ҳаракатлари оқибатларига ойдинлик киритиш, шунингдек, АҚШнинг Эрон ядро дастури мақоми билан боғлиқ хавотирлари муҳокама қилинганини айтган. Оқ уй ва Давлат департаменти Уммон музокараларига изоҳ беришдан бош тортган. Музокаралар натижалари ҳам хабар қилинмаган.
Аввалроқ Исроилни қўллаб-қувватлагани учун Эрон АҚШ ва Буюк Британияга қарши санкциялар жорий қилган эди.
АҚШ Молия вазирлиги муҳим инфратузилмага киберҳужумларда иштирок этган Эроннинг иккита компанияси ва тўрт нафар шахсга нисбатан санкциялар жорий қилган. Америка департаментига кўра, улар “ёмон ниятли киберфаолиятга жалб қилинган” ва бу 10 дан ортиқ компаниялар ва АҚШ давлат идораларига таъсир кўрсатган.
Изоҳ (0)