“Liverpul” klubining yangi bosh murabbiyi aniq bo‘ldi.
Niderlandiyalik murabbiy Arne Slot mersisaydliklarni boshqarishini tasdiqladi.
“Keyingi mavsumda klub murabbiyi bo‘lishimni tasdiqlashim mumkin”, — deydi hozirda “Feyenoord”da ishlayotgan mutaxassis.
Romanoning so‘zlariga ko‘ra, “Liverpul” murabbiy uchun 15 million yevro miqdorida tovon puli to‘laydi. Bu Slotni tarixdagi eng qimmat gollandiyalik murabbiyga aylantiradi. Amaldagi bosh murabbiy Yurgen Klopp mavsum oxirida “Liverpul”ni tark etadi.
45 yoshli mutaxassis 2021 yilning yozidan buyon “Feyenoord”ga ustozlik qilib kelmoqda. Bu davrda uning qo‘l ostida klub barcha turnirlarda 147 uchrashuvda qatnashib, 96 marta g‘alaba qozongan, 27 marta durang o‘ynagan va 24 marta mag‘lubiyatga uchragan.
Mersisaydliklar APL jadvalida 37 turdan so‘ng 79 ochko bilan 3-o‘rinni egallab turibdi.
Izoh (0)