Toshkent viloyati Zangiota tumanida ota farzandlari alimenti evaziga uch xonali uy sovg‘a qildi. Bu haqda MIB axborot xizmati “Daryo”ga xabar berdi.
Ma’lum qilinishicha, byuroning Zangiota tumani bo‘limi ish yurituvidagi fuqarolik ishlari bo‘yicha Zangiota tumanlararo sudining qaroriga asosan, qarzdor I.T.dan D.P. foydasiga 3 nafar farzandining moddiy ta’minoti uchun aliment undirish to‘g‘risidagi ijro hujjati mavjud.
Ijro harakatlari davomida qarzdor tomonidan farzandlari voyaga yetguniga qadar bo‘lgan aliment pullarini to‘lashning o‘rniga, poytaxtdagi ko‘p qavatli uylardan 3 xonali xonadon berish taklifi bildirildi. Undiruvchining roziligi bilan tegishli tartibda ushbu kelishuv amalga oshirilib, natijada mazkur ijro hujjati qonunning 41-moddasiga asosan amalda tamomlandi.
Izoh (0)