Тошкент вилояти Зангиота туманида ота фарзандлари алименти эвазига уч хонали уй совға қилди. Бу ҳақда МИБ ахборот хизмати “Дарё”га хабар берди.
Маълум қилинишича, бюронинг Зангиота тумани бўлими иш юритувидаги фуқаролик ишлари бўйича Зангиота туманлараро судининг қарорига асосан, қарздор И.Т.дан Д.П. фойдасига 3 нафар фарзандининг моддий таъминоти учун алимент ундириш тўғрисидаги ижро ҳужжати мавжуд.
Ижро ҳаракатлари давомида қарздор томонидан фарзандлари вояга етгунига қадар бўлган алимент пулларини тўлашнинг ўрнига, пойтахтдаги кўп қаватли уйлардан 3 хонали хонадон бериш таклифи билдирилди. Ундирувчининг розилиги билан тегишли тартибда ушбу келишув амалга оширилиб, натижада мазкур ижро ҳужжати қонуннинг 41-моддасига асосан амалда тамомланди.
Изоҳ (0)