O‘zbekiston fuqarolari Shengen vizasini olish uchun 2023-yili 46 ming 503 marta ariza topshirgan. Bu haqda Yevropa komissiyasi xabar bermoqda.
Maʼlum qilinishicha, shundan 38 ming 333 ta ariza yoki 83,3 foiz holatda maʼqullangan. Qolgan 16,5 foiz yoki 8 170 ta holatda arizalar rad etilgan.
Muvaffaqiyatsiz holatlar 2022-yilga nisbatan 0,4 foizga ko‘p. O‘sha yili 39,5 mingta murojaat qilingan.
Maʼlumot uchun, 2023-yili Yevropa Ittifoqi davlatlari va Shengen bilan bog‘liq davlatlar konsulliklari qisqa muddatli vizalar uchun 10,3 mln dan ortiq ariza olgan. Bu esa 2022-yilga nisbatan 37 foizga (7,5 mln ariza) ko‘p.
Izoh (0)