O‘tgan yil davomida 350 nafar britaniyalik millionerning umumiy boyligi 16 foizga o‘sib, 795,4 milliard funt sterlingga (1,006 trillion dollar) yetdi. Shu bilan birga, milliarderlar soni 177 dan 165 kishiga kamaydi — bu reytingning butun 36 yillik tarixidagi eng sezilarli yillik pasayishdir.
The Sunday Times gazetasi Buyuk Britaniyaning eng badavlat kishilarining yillik reytingini e’lon qildi.
Eng boy britaniyaliklar reytingida birinchi o‘rinni Hinduja Group moliyaviy-sanoat guruhi egasi Gopi Hinduja va uning oilasi (37,2 milliard funt) egalladi.
Ikkinchi o‘rindan Warner Music Group’ni nazorat qiluvchi moliyachi Ser Leonard Blavatnik joy oldi (29,2 milliard funt). Uchinchi o‘rinda Brothers kompaniyasi asoschilari, aka-uka Devid va Simon Rubenlar (25 milliard funt) bormoqda.
Britaniya bosh vaziri Rishi Sunak va uning rafiqasi Akshata Merti (651 million funt sterling) reytingda 245-o‘rinni egallab turibdi. Buyuk Britaniyaning 258-eng boy odami qirol Charlz III (610 million funt) hisoblanadi.
Reytingdan, shuningdek, Elton Jon (291-o‘rin, 470 million funt), yozuvchi Joan Rouling (175-o‘rin, 945 million funt) va boshqalar ham bor.
Izoh (0)