Britaniyalik xonanda va kompozitor Ed Shiran Angliyaning Brayton shahridagi Fairlight Primary va Nursery School boshlang‘ich ta’lim maktablariga tashrif buyurdi. San’atkor musiqa darsi vaqtida o‘quvchilar bilan suhbatlashdi va o‘zining uchta qo‘shig‘ini ijro etdi.
-x3nk07QC.jpg)
Katta o‘qituvchi Demiyen Jordanning aytishicha, Ed Shiran o‘quvchilarga san’atdagi faoliyati va musiqa ta’limining ahamiyati haqida so‘zlab berdi. Shuningdek, u maktabga beshta gitara sovg‘a qildi.
Bolalar estrada yulduzining tashrifidan bexabar edi. Bundan tashqari, yulduz ishtirokida bo‘lib o‘tadigan tadbir haqida faqat bir nechta o‘qituvchilar oldindan xabardor qilingan.
Tadbirdan bir kun avval mashhur xonanda Ed Shiran maktabimizga musiqa darsiga kelishini aytishdi. Men esa o‘quvchilarga hazillashib do‘stimni olib kelishimni aytdim. Sinf eshigidan Ed Shiran kirib kelganda bolalarning ko‘zlarida hayrat va xursandchilik ifodasi paydo bo‘ldi, — dedi Jordan.
O‘qituvchining ta’kidlashicha, xonanda o‘zini juda kamtarona tutgan.
O‘quvchi bolalar 20, 30, 40 va undan katta yoshga yetganda imtihonlarni emas, balki maktabga tashrif buyurgan, ular bilan birga suhbatlashgan Ed Shiranni eslaydi, — deya qo‘shimcha qildi Jordan.
Tadbir “Create music” loyihasi doirasida Brighton Dome tomonidan tashkil etildi. Ed Shiran muxlislarga avval ham kutilmagan sovg‘alar taqdim etgan. O‘tgan yilning sentyabr oyida u Las-Vegasda yashovchi juftlikning to‘yiga kutilmaganda tashrif buyurdi va ular uchun yangi qo‘shig‘ini ijro etdi.
2023-yil aprel oyida esa xonanda Florida shtatidagi o‘rta-maxsus maktabga kelib, maktab ma’muriyatiga 5 ta gitara hamda o‘quvchilarga bo‘lib o‘tadigan konsert dasturiga chiptalar sovg‘a qilgan edi.
Izoh (0)