AQSH Nigerdan qo‘shinlarini olib chiqishni rejalashtirmoqda

AQSH qo‘shinlarini Nigerdan olib chiqish uchun Afrika mamlakati hukumati bilan muzokara olib bormoqda. Bu haqda “TASS” xabar berdi.

AQSH davlat kotibining Afrika masalalari bo‘yicha yordamchisi Molli Fi bu borada ma’lumot berdi. 

Hozirda biz Niger vatanni qutqarish milliy kengashi bilan Amerika qo‘shinlarini olib chiqish bo‘yicha ishlamoqdamiz, — dedi diplomat.

Uning so‘zlariga ko‘ra, Pentagon vakillari hozir Niameydagi “qo‘shinlarini mas’uliyat bilan olib chiqib ketish” variantlarini muhokama qilmoqda.

Ushbu munozaralar aynan hozir ham davom etmoqda, — deb ta’kidladi Molli Fi.

The Washington Post gazetasining yozishicha, AQSH delegatsiyasi Niger hukumatiga shu hafta ikkita bazasini yopish va qo‘shinlarini olib chiqish bo‘yicha batafsil rejalarni taqdim etadi. AQSH Mudofaa vazirligining yuqori martabali vakillari muzokara olib borish uchun 14-may kuni Niameyga tashrif buyurgan.

Niger prezidenti Muhammad Bazum gvardiya boshlig‘i Abdurahmon Tchiani tomonidan ag‘darilishidan oldin Amerika harbiylari respublika qo‘shinlarini tayyorgarlik va razvedka operatsiyalari bilan ta’minlagan. To‘ntarishdan so‘ng, AQSH Qurolli kuchlari xavfsizligini ta’minlash uchun zarur choralar bilan cheklangan. Nigerda 1000 ga yaqin amerikalik qo‘shin bor.