АҚШ қўшинларини Нигердан олиб чиқиш учун Африка мамлакати ҳукумати билан музокара олиб бормоқда. Бу ҳақда “ТАСС” хабар берди.
АҚШ давлат котибининг Африка масалалари бўйича ёрдамчиси Молли Фи бу борада маълумот берди.
Ҳозирда биз Нигер ватанни қутқариш миллий кенгаши билан Америка қўшинларини олиб чиқиш бўйича ишламоқдамиз, — деди дипломат.
Унинг сўзларига кўра, Пентагон вакиллари ҳозир Ниамейдаги “қўшинларини масъулият билан олиб чиқиб кетиш” вариантларини муҳокама қилмоқда.
Ушбу мунозаралар айнан ҳозир ҳам давом этмоқда, — деб таъкидлади Молли Фи.
Тhе Washington Post газетасининг ёзишича, АҚШ делегацияси Нигер ҳукуматига шу ҳафта иккита базасини ёпиш ва қўшинларини олиб чиқиш бўйича батафсил режаларни тақдим этади. АҚШ Мудофаа вазирлигининг юқори мартабали вакиллари музокара олиб бориш учун 14 май куни Ниамейга ташриф буюрган.
Нигер президенти Муҳаммад Базум гвардия бошлиғи Абдураҳмон Тчиани томонидан ағдарилишидан олдин Америка ҳарбийлари республика қўшинларини тайёргарлик ва разведка операциялари билан таъминлаган. Тўнтаришдан сўнг, АҚШ Қуролли кучлари хавфсизлигини таъминлаш учун зарур чоралар билан чекланган. Нигерда 1000 га яқин америкалик қўшин бор.
Изоҳ (0)