Arab davlatlari ligasi tarkibiga kiruvchi davlatlar rahbarlari tashkilotning Manamadagi sammitining yakuniy deklaratsiyasida BMTdan Falastin hududlariga tinchlikparvar kuchlarni yuborishni talab qiladi. Bu haqda Al Hadath telekanali manbalarga tayanib xabar berdi.
Unga ko‘ra, Arab Ligasining 33-sammiti yakunlari bo‘yicha qabul qilinishi mumkin bo‘lgan hujjat loyihasida BMT Xavfsizlik kengashi Falastin muammosini hal qilishda ikki davlat tamoyilini amalga oshirish uchun bevosita javobgar bo‘lishi ko‘rsatilgan.
Bundan tashqari, deklaratsiyaga muvofiq, G‘azo sektorida doimiy o‘t ochishni to‘xtatish bo‘yicha qabul qilingan rezolyutsiyalarning bajarilishiga erishish kerak bo‘ladi.
Deklaratsiya loyihasida Qizil dengizda navigatsiya xavfsizligini ta’minlash masalalari hamda Yaman, Suriya va Sudandagi inqirozlarni hal qilish yo‘llari ham ko‘rib chiqiladi.
Arab Ligasi sammiti bugun, 16-may kuni Manamada boshlanadi va unda asosan G‘azo sektoridagi vaziyat muhokama qilinadi.
Izoh (0)