Niger isyonchilari Vashington bilan harbiy kelishuvni buzganidan so‘ng, Qo‘shma Shtatlar Afrikada qo‘shinlarini joylashtirishning muqobil variantlarini ko‘rib chiqmoqda. Bu haqda Senat qurolli kuchlar qo‘mitasi raisi Jek Rid ma’lum qildi, deya xabar berdi “TASS”.
Bir necha oy oldin biz Nigerdan u yerda vaziyat noqulay bo‘lib borayotgani haqida xabarlarni oldik. U yerdagi siyosiy vaziyat tobora chigallashib bormoqda. Shu sababli AQSH Afrika qo‘mondonligi muqobil variantlarni ko‘rib chiqa boshladi, — dedi senator Mudofaa yozuvchilari guruhi bilan onlayn uchrashuvda.
Ridning ta’kidlashicha, AQSH harbiylardan tashqari Afrikada diplomatik vakolatlarini ham o‘rnatishi lozim.
Biz elchilarimizni tayinlashni tez amalga oshirishimiz zarur, chunki ular armiyaning istalgan tarmog‘i kabi samarali bo‘lishi mumkin, — dedi senator.
Nigerdagi vaziyat va AQSH bilan kelishuvning buzilishi
16-mart kuni Nigerdagi isyonchilar AQSH bilan harbiy kelishuvni bekor qilganini e’lon qilgan edi. Bu qaror Amerika rasmiylarining tashrifidan so‘ng qabul qilingan. Mamlakat shimolida dronlarga ega Amerika bazasi joylashgan. 2023-yil oxirida Nigerda 1,1 mingga yaqin AQSH harbiy xizmatchisi bo‘lgan.
Izoh (0)