Yaponiya rasmiylari umumiy qiymati taxminan 1,93 milliard dollar bo‘lgan COVID-19 preparatlarining katta hajmini yo‘q qiladi. Bu haqda Kyodo agentligi xabar berdi.
Ma’lum qilinishicha, gap Shionogi tomonidan ishlab chiqarilgan Xocova, Merck tomonidan ishlab chiqarilgan Lagevrio, Pfizer kompaniyasining Paxlovid dorilari haqida ketmoqda. Umuman olganda, Yaponiya hukumati ularni 5,6 million kishi uchun zarur bo‘lgan miqdorda sotib olgan. Taxminan 4,3 million tabletka (jami 77 foiz) ishlatilmay qolgan va utilizatsiya qilinishi kerak.
Avvalroq Yaponiyada taxminan 4,2 milliard dollar qiymatidagi 240 million doza koronavirusga qarshi vaksinalar yo‘q qilingandi. 2023-yil may oyida mamlakat hukumati COVID-19 ni xavfli kasalliklar toifasidan mavsumiy grippga o‘tkazgan.
Izoh (0)