AQSH davlat kotibi Entoni Blinken Isroil prezidenti Isaak Gertsog bilan rasmiy uchrashuv oldidan HAMAS harakati bilan tuzilgan sulh o‘z natijalarini berayotganini va AQSH bu jarayon davom etishiga umid qilishini aytdi. Bu haqda AQSH davlat departamenti xabar qildi.
“O‘tgan haftada biz garovga olinganlarning uylariga qaytishlari, oilalari bilan uchrashishlari bilan bog‘liq juda ijobiy o‘zgarishlarni ko‘rdik va bu bugun ham davom etishi kerak. Shuningdek, bu G‘azodagi begunoh tinch aholiga juda zarur bo‘lgan insonparvarlik yordamini sezilarli darajada oshirish imkonini berdi. Demak, bu jarayon o‘z natijalarini bermoqda, bu muhim va u davom etishiga umid qilamiz”, — dedi Blinken.
Davlat kotibi, shuningdek, Isroil hukumati bilan G‘azo sektoridagi keyingi harakatlar bo‘yicha batafsil muhokamalar bo‘lishini kutayotganini ta’kidladi.
Izoh (0)