Italiya karabineri xalqaro narkotrafik tarmog‘ini yo‘q qilish doirasida narkotiklarni tashishda foydalaniladigan masofadan boshqariladigan suvosti kemasini qo‘lga oldi. Bu haqda Le Figaro gazetasi xabar bermoqda.
Gazetaning yozishicha, huquq-tartibot idoralari xodimlari suvosti kemasini Turin shahridagi avtomobil yuvish shoxobchalari egalarining faoliyatini tekshirish chog‘ida aniqlagan, ular pinhona marixuana yetishtirish bilan shug‘ullangan.
Albaniyalik ikki aka-uka tomonidan boshqariladigan narkotarmoq Ekvador, Belgiya, Fransiya, Ispaniya va Italiya davlatlari bo‘ylab ishlagan. Operatsiya davomida jami 204 kilogramm kokain va gashish musodara qilindi.
Avval xabar qilinganidek, har yili Yevropaning 100 ga yaqin yirik shaharlari oqova suvlarini giyohvand moddalar qoldiqlari uchun tahlil qiluvchi Yevropaning Narkotik moddalar va giyohvandlik monitoringi markazi Yevropada kokain isteʼmoli sezilarli darajada oshib borayotganini aniqlagan.
Izoh (0)