Shveysariya vitse-kansleri Andre Simonatssi tog‘da sayr qilayotganda vafot etdi, amaldor 55 yoshda bo‘lgan. Uning o‘limi rasmiy hukumat portalida tasdiqlangan.
Federal kengash veb-saytidagi bayonotga ko'ra, Andre Simonatssi juma kuni piyoda sayr vaqtida hayotdan ko‘z yumgan.
U tog‘da dam olishni yaxshi ko‘rardi. Juma kuni (10-may) o‘zining sevimli tog‘da yurish mashg‘ulotlaridan birida u hushini yo‘qotib, vafot etdi, — deyiladi xabarda.
Simonatssining rafiqasi va uch nafar farzandi bor. Federal kengash a’zolari va kansler hamkasbining vafoti munosabati bilan hamdardlik bildirgan.
Uning vafoti haqidagi xabar Federal kengash aʼzolari va kanslerni larzaga keltirdi. Ular marhumning oilasi va yaqinlariga chuqur hamdardlik bildiradi, — deyiladi xabarda.
Simonatssi 2008-yil noyabr oyida vitse-kansler va Federal kengash spikeri etib tayinlangan. 2009-yil 1-yanvardan boshlab u hukumat yig‘ilishlarida qatnashgan, protokollar olib borgan va kommunikatsiya bilan shug‘ullangan.
2015-yil boshidan buyon Shveysariya Konfederatsiyasi prezidentiga maslahat beruvchi, xususan, xalqaro aloqalar bo‘yicha prezident xizmatini ham boshqargan.
Izoh (0)