Litvada 12-may kuni prezidentlik saylovlari bo‘lib o‘tmoqda, 2,5 millionga yaqin saylovchi kelasi besh yil ichida mamlakatni kim boshqarishini hal qiladi. Bu haqda Deutsche Welle xabar berdi.
So‘rovnomaga ko‘ra, Litvani 2019-yildan beri boshqarib kelayotgan 59 yoshli professional iqtisodchi Gitanas Nausedaning g‘alaba qozonish ehtimoli yuqori. Unga qarshi yana yetti nafar nomzod raqobatlashmoqda:
- konservatorlar tomonidan ko‘rsatilgan bosh vazir Ingrida Shimonite;
- Ozodlik partiyasi vakili Daynyus Jalimas;
- nomzodini shaxsan ilgari surgan Ignas Vegele, Eduardas Vaitku;
- “Neman shafaqi” partiyasi asoschisi Remigiyus Jemaytaytis Gedrimas Yeglinskas;
- “Litva uchun” Demokratlar ittifoqi tomonidan ko‘rsatilgan Mehnat partiyasi raisi Andryus Mazuronis.
Saylov uchastkalari Toshkent vaqti bilan soat 22:00 da yopiladi, birinchi natijalar 13-mayga o‘tar kechasi e’lon qilinishi kutilmoqda. Nomzodlardan hech biri mutlaq ko‘pchilik ovozga ega bo‘lmasa, 26-may kuni Litvada saylovning ikkinchi bosqichi bo‘lib o‘tadi, unda yuqori ovoz olgan ikki nomzod qatnashadi. Ayni paytda mamlakatda ikki fuqarolikni joriy etish bo‘yicha referendum o‘tkazilmoqda.
Ukrainadagi urush fonida saylovlar
Saylov kampaniyasi Ukrainadagi urush va uning Litva milliy xavfsizligi uchun oqibatlari, shuningdek, ijtimoiy-siyosiy mavzularga qaratildi. Litvada prezident Germaniya rahbaridan farqli o‘laroq, tashqi va mudofaa siyosati sohasida keng vakolatlarga ega.
Litva Yevropa Ittifoqi va NATO aʼzosi bo‘lib, Rossiyaning Kaliningrad viloyatidagi eksklav va Belarus bilan chegaradosh. Kelgusi yillarda Litva NATOning ehtimoliy harbiy amaliyotlari uchun muhim bazaga aylanadi.
Yevropadagi xavfsizkka ehtimoliy tahdidlar va Rossiyaning harakatlari fonida Germaniya Litva hududiga besh minggacha askardan iborat Bundesver brigadasini joylashtirishga va’da bergan.
Izoh (0)