Fransiyaning SUEZ kompaniyasi raisi va bosh direktori Sabrina Syuzan “Daryo”ga bergan intervyusida O‘zbekistonda tatbiq etish mumkin bo‘lgan suvni boshqarish bo‘yicha ba’zi ilg‘or tajribalar bilan bo‘lishdi.
Ulardan biri iste’mol qilinayotgan suvni o‘lchash uchun smart hisoblagichlar o‘rnatish bo‘lib, keyinchalik bunday hisoblagichlarni ishlab chiqarish mahalliylashtiriladi.
Suv kun tartibida birinchi o‘rinda turishi kerak, usiz nafaqat hayot, balki iqtisodiy rivojlanish ham yo‘q. Chunki sanoatlashtirish suvni talab qiladi. Bu mavzu nafaqat Markaziy Osiyo, balki ko‘plab davlatlar uchun ham dolzarbdir. Shunday ekan, birinchisi suv iste’moli bo‘yicha harakatni boshlash kerak, buning uchun iste’mol qilayotgan suvingizni o‘lchashingiz lozim. Odamlar qancha miqdorda iste’mol qilayotganini bilish uchun smart hisoblagichlar o‘rnatish kerak. Smart hisoblagichlar tufayli biz suv hajmi 5 foizdan 10 foizgacha kamayganini bilamiz. Toshkentda smart hisoblagichlar o‘rnatamiz va ularni ishlab chiqarish mahalliylashtiriladi”, — dedi Syuzan.
SUEZ kompaniyasi bosh direktori ikkinchi masala suvning sizib chiqishi ekanini aytdi va bunga yechim taklif qildi.
O‘zbekistonda ichimlik suvi ishlab chiqarasiz, lekin tarmog‘ingizdan sizib chiquvchi suv — 30 dan 50 foizgacha va bu juda ko‘p. Ortiqcha suv oqishini bartaraf etish va kamaytirish uchun raqamli yechimlar mavjud. Buni qanday qilamiz? Tarmoqda akustik sensorimiz bor va uning yordamida sizib chiqqan joyni aniqlay olamiz. Keyin uni juda samarali va kamroq sarmoya bilan tuzatasiz, xuddi butun tarmoqni almashtirgandek, — ta’kidladi mutaxassis.
Shuningdek, Syuzan chiqindi suvlarni qishloq xo‘jaligi va ichimlik suvi uchun qayta ishlatish masalasiga to‘xtalib, bu borada Singapurni misol qilib keltirdi.
Singapurda ichimlik suvining 100 foizi qayta foydalaniladi va chiqindi suvlarni tozalashdan olinadi. Bu yechimlarning barchasi mavjud. Bizda energiya mavzusi ham bor, u ham mamlakat uchun muhim. Chiqindi va oqova suv bilan energiya ishlab chiqarishimiz mumkin. Siz chiqindi suvlarni tozalash inshootini qurasiz va u iste’mol qilgandan ko‘ra ko‘proq energiya ishlab chiqaradi. Bizda shunday texnologiyalar mavjud. Bu O‘zbekiston uchun ham qiziq va biz Toshkentda katta chiqindi suvlarni tozalash inshootini kutib qolamiz, — dedi SUEZ kompaniyasi bosh direktori.
Sabrina Syuzan kompaniya Toshkent uchun chiqindi suvlarni tozalash bo‘yicha katta inshoot ustida ishlayotgani, strategik maqsad O‘zbekistonni hamkor sifatida qo‘llab-quvvatlash ekanini qayd etdi.
“Daryo” va EUROUZ hamkorlikda “Qizlarimizga maktublar” nomli jahon yetakchilari bilan shaxsiy bilim, tajriba va martaba saboqlarini almashish orqali Markaziy Osiyodagi yosh ayollarning imkoniyatlarini kengaytirishga qaratilgan intervyu seriyasini yo‘lga qo‘ymoqda.
Izoh (0)