Франциянинг SUEZ компанияси раиси ва бош директори Сабрина Сюзан “Дарё”га берган интервьюсида Ўзбекистонда татбиқ этиш мумкин бўлган сувни бошқариш бўйича баъзи илғор тажрибалар билан бўлишди.
Улардан бири истеъмол қилинаётган сувни ўлчаш учун смарт ҳисоблагичлар ўрнатиш бўлиб, кейинчалик бундай ҳисоблагичларни ишлаб чиқариш маҳаллийлаштирилади.
Сув кун тартибида биринчи ўринда туриши керак, усиз нафақат ҳаёт, балки иқтисодий ривожланиш ҳам йўқ. Чунки саноатлаштириш сувни талаб қилади. Бу мавзу нафақат Марказий Осиё, балки кўплаб давлатлар учун ҳам долзарбдир. Шундай экан, биринчиси сув истеъмоли бўйича ҳаракатни бошлаш керак, бунинг учун истеъмол қилаётган сувингизни ўлчашингиз лозим. Одамлар қанча миқдорда истеъмол қилаётганини билиш учун смарт ҳисоблагичлар ўрнатиш керак. Смарт ҳисоблагичлар туфайли биз сув ҳажми 5 фоиздан 10 фоизгача камайганини биламиз. Тошкентда смарт ҳисоблагичлар ўрнатамиз ва уларни ишлаб чиқариш маҳаллийлаштирилади”, — деди Сюзан.
SUEZ компанияси бош директори иккинчи масала сувнинг сизиб чиқиши эканини айтди ва бунга ечим таклиф қилди.
Ўзбекистонда ичимлик суви ишлаб чиқарасиз, лекин тармоғингиздан сизиб чиқувчи сув — 30 дан 50 фоизгача ва бу жуда кўп. Ортиқча сув оқишини бартараф этиш ва камайтириш учун рақамли ечимлар мавжуд. Буни қандай қиламиз? Тармоқда акустик сенсоримиз бор ва унинг ёрдамида сизиб чиққан жойни аниқлай оламиз. Кейин уни жуда самарали ва камроқ сармоя билан тузатасиз, худди бутун тармоқни алмаштиргандек, — таъкидлади мутахассис.
Шунингдек, Сюзан чиқинди сувларни қишлоқ хўжалиги ва ичимлик суви учун қайта ишлатиш масаласига тўхталиб, бу борада Сингапурни мисол қилиб келтирди.
Сингапурда ичимлик сувининг 100 фоизи қайта фойдаланилади ва чиқинди сувларни тозалашдан олинади. Бу ечимларнинг барчаси мавжуд. Бизда энергия мавзуси ҳам бор, у ҳам мамлакат учун муҳим. Чиқинди ва оқова сув билан энергия ишлаб чиқаришимиз мумкин. Сиз чиқинди сувларни тозалаш иншоотини қурасиз ва у истеъмол қилгандан кўра кўпроқ энергия ишлаб чиқаради. Бизда шундай технологиялар мавжуд. Бу Ўзбекистон учун ҳам қизиқ ва биз Тошкентда катта чиқинди сувларни тозалаш иншоотини кутиб қоламиз, — деди SUEZ компанияси бош директори.
Сабрина Сюзан компания Тошкент учун чиқинди сувларни тозалаш бўйича катта иншоот устида ишлаётгани, стратегик мақсад Ўзбекистонни ҳамкор сифатида қўллаб-қувватлаш эканини қайд этди.
“Дарё” ва EUROUZ ҳамкорликда «Қизларимизга мактублар» номли жаҳон етакчилари билан шахсий билим, тажриба ва мартаба сабоқларини алмашиш орқали Марказий Осиёдаги ёш аёлларнинг имкониятларини кенгайтиришга қаратилган интервью сериясини йўлга қўймоқда.
Изоҳ (0)