NATO o‘z hududida Rossiyaning zararli gibrid harakatlar yuritganligini ma’lum qildi. Bu haqda tashkilot tomonidan chop etilgan press-relizda xabar berildi.
NATO so‘nggi paytlarda ittifoqdoshlar hududida sodir bo‘lgan, shu jumladan Chexiya, Estoniya, Germaniya, Latviya, Litva, Polsha va Buyuk Britaniyaga taʼsir ko‘rsatgan Rossiyaning zararli faoliyati bilan bog‘liq ravishda bir necha shaxslarni tergov qilish va ayblov eʼlon qilishga olib kelgan zararli harakatlardan chuqur xavotir bildirgan.
Rossiyaning zararli faoliyatiga sabotaj, zo‘ravonlik harakatlari, kiber va elektron aralashuvlar, dezinformatsiya kampaniyalari va boshqa gibrid operatsiyalar kiradi.
NATO davlatlari Rossiyaning ittifoqchilar xavfsizligiga tahdid soladigan gibrid faoliyatidan chuqur xavotir bildirmoqda, — deyiladi xabarda.
NATO bu harakatlarga yakka tartibda va birgalikda qarshi turishini aytib, Rossiyaning harakatlari ittifoqchilarning Ukrainani qo‘llab-quvvatlashda davom etishiga to‘sqinlik qilmasligini ta’kidlagan.
Izoh (0)