Toshkent shahridagi Xalqaro kongress markazida uchinchi Toshkent xalqaro investitsiya forumi doirasida O‘zbekiston va Qirg‘iziston bosh vazirlari tomonidan xorijiy investorlar uchun “Qambarota GES-1” investitsiya loyihasi bo‘yicha taqdimot o‘tkazildi. Bu haqda O‘zbekiston bosh vaziri matbuot xizmati xabar berdi.
Taqdimotda Qozog‘iston, Tojikiston, Rossiya, Xitoy, Yevropa Ittifoqi mamlakatlari, AQSH, Saudiya, Turkiya, BAA, Qatar, Hindiston, Ummon, Janubiy Koreya, Quvayt davlatlaridan hukumatlar vakillari va kompaniyalar rahbarlari, xalqaro tashkilotlar hamda moliya muassasalaridan delegatsiyalar ishtirok etdi.
Keyingi yillarda Shavkat Mirziyoyev tomonidan uzoqni ko‘zlab olib borilayotgan ochiq va pragmatik tashqi siyosat tufayli qo‘shni mamlakatlar bilan hamkorlik aloqalari har tomonlama strategik sheriklik hamda ittifoqchilik darajasiga ko‘tarilgani alohida qayd etildi.
Taqdimotda Qirg‘iziston va Qozog‘iston bilan birgalikda “Qambarota-1” gidroelektr stansiyasi loyihasini amalga oshirish rejasi haqida batafsil maʼlumot berildi.
Izoh (0)