Qirg‘iziston Vazirlar Mahkamasi Qambarota gidro elektr stansiyasi (GES) qurilishiga tayyorgarlik ko‘rish uchun budjetdan 621,4 million som (7 million dollar) ajratadi. Bu haqda 2024-yilgi respublika budjeti loyihasiga tayanib, Economist xabar berdi.
Dastlabki ma’lumotlarga ko‘ra, ajratilgan mablag‘lar ish maydonlarini tayyorlash, ishchilar qishlog‘i va ko‘prik qurishga sarflanadi. Avgust oyi oxirida Qirg‘iziston Vazirlar Mahkamasi raisining o‘rinbosari Bakit Toroboyev Qambarota GES-1 dagi ishlarning tayyorgarlik bosqichi yakunlanayotganini aytgandi.
Xususan, yo‘l qurilishi yaqinda yakunlanishi, podstansiya foydalanishga topshirilishi, shuningdek, elektr tarmoqlari va tunnellar qurilishi haqida ma’lumot bergan.
Qambarota GES qurilishi
Qambarota GES-1 ning rejalashtirilgan quvvati 1860 megavatt, ishlab chiqarish esa yiliga 5 milliard kilovatt/soat elektr energiyasini tashkil qilishi kerak. Elektr stansiyasi qurib bitkazilgandan keyin Qirg‘iziston 34 foizdan, Qozog‘iston va O‘zbekiston esa 33 foizdan ulushga ega bo‘ladi.
Tahlilchilarning fikricha, qurilish 4–5 milliard dollarga tushadi. Loyiha 256 metr balandlikdagi to‘g‘on va quvvati 1860 megavatt bo‘lgan elektr stansiyasini qurishni o‘z ichiga oladi. GESni 2025-yil oxirigacha qurilishini yakunlash rejalashtirilgan.
Izoh (0)