Isroil tashqi ishlar vaziri Israel Kats Kolumbiya prezidenti Gustavo Petroning yahudiy davlati bilan aloqalarni uzish haqidagi bayonotiga keskin javob berdi. Bu haqda Semana xabar berdi.
Tarix insoniyatga ma’lum bo‘lgan, go‘daklarni yoqib yuborgan, bolalarni o‘ldirgan, ayollarni zo‘rlagan va begunoh tinch aholini o‘g‘irlagan eng jirkanch maxluqlar tomoniga o‘tishga qaror qilgan Gustavo Petroni unutmaydi, — deb yozgan Kats X ijtimoiy tarmog‘ida.
Isroillik vazir hukumatning Kolumbiya bilan ziddiyatli munosabatlarini ta’kidlab, hech qanday antisemit va nafratli prezident buni o‘zgartira olmasligini ma’lum qilgan. U Isroil har doim o‘z fuqarolarini himoya qilishini yana bir bor ta’kidlagan.
Petro 1-may kuni Isroil bilan diplomatik aloqalarni uzish haqida bayonot bergan.
Genotsid davriga qaytib bo‘lmaydi, butun bir xalq ko‘z o‘ngimizda yo‘q bo‘lishiga yo‘l qo‘yib bo‘lmaydi. Falastin vayron bo‘lishiga, falastinliklar qirilib ketishiga yo‘l qo‘ymaymiz, — deya ta’kidlagan edi Kolumbiya prezidenti Gustavo Petro.
Izoh (0)