Исроил ташқи ишлар вазири Исраэль Кац Колумбия президенти Густаво Петронинг яҳудий давлати билан алоқаларни узиш ҳақидаги баёнотига кескин жавоб берди. Бу ҳақда Semana хабар берди.
Тарих инсониятга маълум бўлган, гўдакларни ёқиб юборган, болаларни ўлдирган, аёлларни зўрлаган ва бегуноҳ тинч аҳолини ўғирлаган энг жирканч махлуқлар томонига ўтишга қарор қилган Густаво Петрони унутмайди, — деб ёзган Кац Х ижтимоий тармоғида.
Исроиллик вазир ҳукуматнинг Колумбия билан зиддиятли муносабатларини таъкидлаб, ҳеч қандай антисемит ва нафратли президент буни ўзгартира олмаслигини маълум қилган. У Исроил ҳар доим ўз фуқароларини ҳимоя қилишини яна бир бор таъкидлаган.
Петро 1 май куни Исроил билан дипломатик алоқаларни узиш ҳақида баёнот берган.
Геноцид даврига қайтиб бўлмайди, бутун бир халқ кўз ўнгимизда йўқ бўлишига йўл қўйиб бўлмайди. Фаластин вайрон бўлишига, фаластинликлар қирилиб кетишига йўл қўймаймиз, — дея таъкидлаган эди Колумбия президенти Густаво Петро.
Изоҳ (0)