“O‘zgidromet” tog‘li hududlarda yog‘ayotgan qorning tuproqqa ta’siri bo‘yicha tushuntirish berdi

Mamlakatning tog‘li hududlarida, jumladan, Toshkent, Qashqadaryo va Jizzax viloyatida qor yog‘ishi kuzatilmoqda.

Aprel oyining oxiri may oyining boshlarida kuzatilayotgan bunday ob-havo tuproqqa qanday ta’sir qiladi? Bu haqda “O‘zgidramet” axborot xizmati “Daryo”ga tushuntirish berdi.

Ta’kidlanishicha, hozirgi vaqtgacha yerda muzlash holati qayd etilmagan.

Agar harorat minus darajaga o‘tsa, tuproq muzlashi mumkin.

Ayni damda qor yog‘ayotgan hudud — Jizzax viloyati Zomin tumani “Suffa”da havo harorati 1 daraja iliqni tashkil etmoqda. Dengiz sathidan 2400 m balandlikda bo‘lgan ushbu hudud turistik maskan bo‘lgani bois u yerda faqat manzarali daraxtlar mavjud, — deyiladi “O‘zgidromet” axborotida.

Qo‘shimcha qilinishicha, tuproqda muzlash holati kuzatilganda, hudud ekinlarida zararlanishlar kuzatilmaydi, chunki tuproq qishki sovuqdan keyin bahorgi  issiqlik bilan ta’minlangan.

• Avvalroq aprel oyi oxiridagi qor yog‘ishi mevali daraxtlarga qay darajada ta’sir qilishi yuzasidan Qishloq xo‘jaligi vazirligi matbuot xizmati tushuntirish bergan edi.