Mudofaa vazirligiga Bo‘stonliq tumanidagi 500 gektar yer maydoni ajratib berildi. Bu haqda Toshkent viloyati hokimi Zoir Mirzayev tegishli qarorni imzoladi.
Qayd etilishicha, 10354, 10363-konturda joylashgan davlat zaxirasidagi yer maydoni tumanning “Nanay” MFY hududida joylashgan.
Ajratilgan mazkur yer maydonida “Mudofaa vazirligi bog‘i” barpo etilishi belgilangan. Mudofaa vazirligiga ajratilgan yer maydonini Vazirlar Mahkamasining 2024-yil 13-apreldagi farmoyishi bilan belgilangan maqsadlarda foydalanish vazifasi yuklatilgan.
Davlat kadastrlari palatasi Toshkent viloyati boshqarmasi ushbu qarorga muvofiq belgilangan tartibda kadastr hujjatlarini rasmiylashtiradi hamda yer maydonini davlat ro‘yxatidan o‘tkazadi.
Fevral boshlarida O‘zbekistonda o‘rmon fondi yerlari so‘nggi olti yilda 1 million gektarga kengayishi to‘g‘risida xabar berilgandi. Mart oyida esa Makroiqtisodiy va hududiy tadqiqotlar instituti (MHTI) mutaxassislari 2018—2022-yillarda respublika bo‘yicha umumiy ekin maydonlari 3 million 396 ming gektardan 3 million 353,3 ming gektarga yoki 1,3 foizga qisqarganini ma’lum qilgan edi.
Izoh (0)