Qashqadaryo, Jizzax va Toshkent viloyatining tog‘li hududlarida qor yog‘ib o‘tdi. Aprel oyi oxiridagi bu yog‘ingarchilik mevali daraxtlarga qay darajada ta’sir qilishi haqida Qishloq xo‘jaligi vazirligi matbuot xizmati rahbari Dilshod Nazirov “Daryo”ga izoh berdi.
Havo sovuq urish darajasida emas, — dedi Dilshod Nazirov.
Iqlimshunos olim Erkin Abdulahatov “Daryo”ga ma’lum qilishicha, bunday havo harorati inson tanasi, fiziologiyasi haqiqiy qiymatdan pastroq qiymatlarda “his qilishiga” olib keladi.
Joriy antisiklonning kirib kelishi tog‘larda havoning to‘yinishini va yog‘ayotgan yog‘ingarchilikni kristall ko‘rinishga olib keladi, bu qor degani. Joylarda antisiklon kirib kelishida shamollar kuzatilib, havo harorati tez pasaymoqda. Bu haroratni his qilish ham shamol hisobiga sezilarli past. Masalan, havo harorat +20 daraja bo‘lganda 5-6 metr/sekund tezlikda shamol esayotgan bo‘lsa, inson tanasi havoni 7-8 daraja iliq his qilishiga olib keladi. Bu his qilish jarayoni deyiladi. Bunday havo harorati respublikaning katta hududida, jumladan, Toshkentda ham kuzatilmoqda, — deydi iqlimshunos olim.
“O‘zgidromet” 28-aprel kuni kuzatiladigan ob-havo prognoziga ko‘ra, yog‘ingarchilik kutilmaydi. Shamol 7-12 m/s tezlikda esadi, ba’zi joylarda 15-20 m/s gacha kuchayadi, ayrim joylarda chang-to‘zonlar bilan kuzatiladi. Harorat 18-23° bo‘ladi.
Poytaxtda yog‘ingarchilik kutilmaydi. Shamol 5-10 m/s tezlikda esadi. Harorat 18-20° bo‘ladi.
Tog‘ oldi va tog‘li hududlarda vaqti-vaqti bilan qisqa muddatli yomg‘ir yog‘adi, momaqaldiroq bo‘lishi mumkin, baland tog‘larda yog‘ingarchilik (yomg‘ir, qor) bo‘lishi mumkin. Sel-suv toshqin hodisalari yuzaga kelishi mumkin. Toshkent va Namangan viloyatlarining tog‘li hududlarida (2000 m dan yuqorida) qor ko‘chishi xavfi bor. Shamol 7-12 m/s tezlikda esadi. Harorat 7-12° bo‘ladi.
Izoh (0)