“O‘zgidromet” Toshkent viloyatida 8-maygacha qor ko‘chish xavfi borligidan ogohlantirdi.
Ma’lum qilinishicha, 1—8-may kunlari kutilayotgan yog‘ingarchilik hamda havo haroratining o‘zgarishi kutilmoqda.
Shu sababli Toshkent viloyati Bo‘stonliq, Parkent, Ohangaron tumanlarining (Chotqol tizmasi tog‘lari) tog‘li hududlarida dengiz sathidan 2000 metr balandlikda, qor ko‘chish xavfi e’lon qilindi.
“Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, — deyiladi xabarda.
Prognozlarga ko‘ra, hafta davomida harorat ko‘tarilib boradi. May oyi birinchi o‘n kunligining oxirida, shuningdek, ikkinchi va uchinchi o‘n kunliklarda havo harorati 23-28 darajadan 30-35 darajagacha, baʼzi joylarda 38 darajagacha o‘zgarib turadi.
Izoh (0)