“O‘zgidromet” 2024-yilning may oyi O‘zbekistonda ob-havo qanday bo‘lishi haqida maʼlumot berdi.
Xabarga ko‘ra, 1—2-may kunlari respublikaning barcha viloyatlarida, 3-mayda hududning katta qismida quruq va iliq ob-havo bo‘lishi kutilmoqda, havo harorati kunduzi 26-29 daraja, baʼzi joylarda 30-32 darajagacha bo‘ladi.
3-mayda respublikaning janubi-g‘arbida, 4-5-mayda kunlari ko‘pchilik viloyatlarda, 6-mayda sharqiy hududlarda yomg‘ir yog‘adi, baʼzi joylarda momaqaldiroq bo‘lishi mumkin. Yomg‘ir paytida harorat 20-25 darajagacha pasayadi.
May oyi birinchi o‘n kunligining oxirida, shuningdek, ikkinchi va uchinchi o‘n kunliklarda havo harorati 23-28 darajadan 30-35 darajagacha, baʼzi joylarda 38 darajagacha o‘zgarib turadi. Ushbu davrning ayrim kunlari respublika bo‘yicha baʼzi joylarda qisqa muddatli momaqaldiroqli yomg‘irlar yog‘adi, baʼzi joylarda jala xususiyatli mahalliy yomg‘ir yog‘adi.
Hatto bitta shahar ichida ham may yomg‘iri bir joyda kuchli yog‘ishi va boshqa joyda esa deyarli yog‘masligi mumkin. Ayniqsa, tog‘oldi va tog‘li hududlarda kuchli jala yomg‘irlar yog‘ishi juda xavflidir. Ular sel kabi dahshatli tabiiy hodisaning shakllanishiga olib kelishi mumkin.
Izoh (0)