Amerika Yamanda xalqaro kemalarga qilingan hujumlarni to‘xtatish sharti bilan husiylarga tinchlik taklif qildi va muhim portlar blokadasini olib tashlashga tayyor ekanini bildirdi, deya “Izvestiya” xabar berdi.
-oqZFYoFi.jpg)
Yanvar oyidan beri olib borilayotgan harbiy harakatlar samara bermagan va husiylar 100 ga yaqin kemaga hujum qilgan. Endi esa AQSH husiylarni tinchlik muzokaralariga jalb etmoqchi.
Qayd etilishicha, amerikaliklar bu xabarni g‘arbiy vositachilari orqali yetkazgan va bunda Ummon ham muhim rol o‘ynagan.
Husiylarning Isroil kemalariga hujum qilishiga javoban Qo‘shma Shtatlar nafaqat harbiy harakatlarga o‘tdi, balki ularga hujumlarni to‘xtatishga undaydigan takliflar yetkazishga harakat qildi, — deyiladi xabarda.
AQSH hukumati vakillari bu ma’lumotni tasdiqlamagan, biroq inkor ham etmagan.
Isroil G‘azoga hujum boshlanganidan beri husiylar xalqaro kemalarga 100 ga yaqin hujum uyushtirgan. Ular Isroil urushni tugatmaguncha hujumlarni davom ettirishini aytgan.
Biroq so‘nggi ikki hafta ichida husiylarning yangi hujumlari qayd etilmagan.
The National nashriga ko‘ra, Vashington mojaroni hal qilishning boshqa yo‘llarini izlashga qaror qilgan. Ummonda taxminan uch oy oldin “yashirin muzokaralar” bo‘lib o‘tgan va AQSH Erondan Yamandagi mojaroni yumshatishda yordam so‘ragan.
AQSHning Yaman bo‘yicha maxsus vakili Qo‘shma Shtatlar Qizil dengizda hujumlar o‘rniga mojaroni yumshatish va tinch yo‘l bilan hal qilishga e’tibor qaratmoqchi ekanini aytgan.
Izoh (0)