Данияда 2024 йил 9 июнга режалаштирилган Danish Air Show бўлиб ўтмайди. Тадбир бекор қилинишининг асосий сабаби пулни тежашдир.
Кўплаб томошабинларни ўзига жалб этаётган тадбирни бекор қилиш тўғрисида қарор қироллик қуролли кучлари раҳбарияти томонидан қабул қилинган. Мазкур шоу охирги марта 2018 йилда ўтказилган ва уни томоша қилиш учун 130 минг киши йиғилганди.
Маълумотларга кўра, авиашоу 2025 йил 15 июнга кўчирилган.
Умид қиламизки, биз 2025 йилда етказиб берадиган маҳсулот кутишга арзийди. Ўртага шаънимиз тикилганини ёдда тутишимиз керак, — деди Мудофаа вазирлиги матбуот ходими Мортен Валентин.
Дания ҳаво кўргазмаси қиролликнинг энг йирик ҳаво кучлари тадбири бўлиб, жанговар ва транспорт самолётлари ҳамда вертолётларини намойиш этади. Бу йил унинг бекор қилиниши парламент партиялари кейинги ўн йил ичида армияга 200 миллиард крон (28,8 миллиард доллар) қўшимча маблағ ажратиладиган тарихий мудофаа битимини маъқуллаган пайтга тўғри келди. Бироқ аввалги битимга мувофиқ, қуролли кучлар харажатларни тежаш режимини амалга ошириши керак.
Изоҳ (0)