AQSH davlat kotibi Entoni Blinken Rossiyaning Ukrainada boshlagan urushi Kreml tomonidan tuzilgan harbiy strategiyaning halokatga uchraganini anglatishini maʼlum qildi. Bu haqda Anadolu nashri xabar berdi.
Manbada aytilishicha, AQSH davlat kotibi Blinken Saudiya Arabistoni poytaxti Ar-Riyoddagi Jahon iqtisodiy forumida 29-aprel kuni nutq o‘qigan. Unda Rossiyaning harbiy agressiyasini qattiq tanqid qilgan.
Blinkenga ko‘ra, Moskvaning Donbassdagi harakatlari, aslida, strategik halokat. Mamlakat o‘z siyosiy rejalarini amalga oshirishning uddasidan chiqa olmagach, qo‘liga qurol olishga qaror qilgan.
“Rossiya iqtisodiy va harbiy jihatdan biz o‘ylaganimizdan ko‘ra zaifroq ekanini ko‘rsatdi. Harbiy agressiya ular uchun g‘alaba sari emas, halokat sari yo‘l”, — degan AQSH rasmiysi.
Blinken, shuningdek, ukrain xalqining Rossiya hujumi arafasida o‘zaro uyushganiga katta baho bergan. Bu birdamlik mamlakatni qutqarishiga umid bildirgan.
AQSH davlat kotibi Saudiya Arabistoni poytaxtida turib, Rossiya qurol yetkazib berayotgani taxmin qilinayotgan Xitoy, Eron va Shimoliy Koreya rahbariyatlariga murojaat qilgan. Ularni keskinlikni kuchaytirishdan tiyilishga chaqirgan.
Izoh (0)