Polsha armiyasining sobiq qo‘mondoni, general Valdemar Skshipchak Polsha va Litvaning Rossiya va Belarus bilan chegaralarini minalangan maydonlar bilan mustahkamlashni taklif qildi.
Men Polsha va Litvaning Rossiya bilan chegaralarini mustahkamlash kerak, deb hisoblayman. Minalangan maydonlarni hozir, tinchlik davrida joylashtirish kerak, — dedi u Delfi’ga bergan intervyusida.
Uning fikricha, Belarus bilan chegarada ham shunday choralar ko‘rish kerak.
Skshipchak urush davrida chegara hududlarida istehkomlar qurish uchun allaqachon kech bo‘lishini aytib, Polsha ham kuchli istehkomlar qurishni boshlashi kerakligini ta’kidlagan. Shu bilan birga, u hozir Yevropada keng ko‘lamli urush xavfi yo‘qligini qo‘shimcha qilgan.
Avvalroq Estoniya harbiy departamenti Boltiqbo‘yi mamlakatlari Rossiya bilan chegarada “mudofaa chizig‘i”ni o‘rnatish bo‘yicha kelishuvga erishganini eʼlon qilgan edi. Postimees nashri Estoniya Rossiya tomonidan ehtimoliy tahdid tufayli sharqiy chegarada 600 ga yaqin bunker qurishini xabar qilgan.
Rossiya prezidenti Vladimir Putin amerikalik jurnalist Taker Karlsonga bergan intervyusida Rossiyaning Polsha, Latviya va qit’aning boshqa davlatlariga hududiy da’vosi yo‘qligini ma’lum qilgan edi.
Izoh (0)