Futbol bo‘yicha Angliya Premyer Ligasining 35-turidan o‘rin olgan o‘yinda “Arsenal” va “Tottenhem” 28-aprel, yakshanba kuni o‘zaro to‘qnash keldi.
Uchrashuvning 15-daqiqasida Hyoyberg o‘z darvozasini ishg‘ol qildi. 27-daqiqada Saka hisobni ishonchli ko‘rinishga olib keldi. 38-daqiqada Kay Haverts “kanonirlar”ning uchinchi goliga mualliflik qildi.
Ikkinchi bo‘limda esa “shporlar” 2 ta gol urishga muvaffaq bo‘ldi. Dastlab, 64-daqiqada Romero hisobni qisqartirgan bo‘lsa, 87-daqiqada Son penaltini aniq amalga oshirdi.
Yakuniy hisob 3:2 — “Arsenal” foydasiga. Mikel Arteta shogirdlari ushbu g‘alabadan so‘ng ochkolari sonini 80 taga yetkazib, 1-o‘rinni mustahkamladi. “Tottenhem” esa 60 ochko bilan 5-pog‘onani band etgan.
APL
35-tur bahsi
28-aprel, yakshanba
“Tottenhem” – “Arsenal” 2:3
Gollar: 0:1 – 15 Hyoyberg, 0:2 – 27 Saka, 0:3 – 38 Haverts, 1:3 – 64 Romero, 2:3 – 87 Son Hyon Min (penalti).
“Tottenhem”: Vikario, Porro, Romero, van de Ven, Devis (Lo Chelso, 88), Hyoyberg (Bissuma, 64), Meddison (Risharlison, 64), Bentankur (Sarr, 46), Kulusevski, Son Hyon Min, Verner (Jonson, 31).
“Arsenal”: Rayya, Uayt, Gabriel, Saliba, Tomiyasu, Parti, Edegor (Kiver, 89), Rays, Haverts, Trossard (Martinelli, 63), Saka.
Ogohlantirishlar: Kulusevski (77), Devis (81), Parti (83).
Izoh (0)