Koreyadagi korxonaga aynan o‘zbekistonlik ishchilarni jalb qilishga kelishib olindi, deb xabar bermoqda Tashqi mehnat migratsiyasi agentligi.
Maʼlum qilinishicha, mamlakatning Koreyadagi elchixonasi hamda Tashqi mehnat migratsiyasi agentligi vakolatxonasi masʼullari hamkorlikda mazkur davlatda ishlayotgan yurtdoshlarning yashash va ish sharoitlarini doimiy monitoring qilmoqda.
Xususan, Yangsan shahridagi Kyunghyun Co., Ltd. korxonasi masʼullari va bu yerda ishlayotgan hamyurtlar bilan uchrashuv o‘tkazilib, prezidentning 4-apreldagi farmoni mazmun-mohiyati tushuntirildi.
Bugungi kunda Koreya davlati 16 davlatdan E-9 ishchi vizasi asosida xorijlik ishchilarni ishga jalb qilmoqda. Shu o‘rinda ish beruvchi korxona mutasaddilariga yurtdoshlar mehnat salohiyati keng targ‘ib qilinib, ishchi kuchi yetkazib berish uchun doimiy hamkorlikka tayyorligi bildirildi.
Uchrashuvda endilikda mazkur korxonadagi mavjud bo‘sh ish o‘rinlariga aynan o‘zbekistonlik ishchilarni ishga jalb qilinishiga kelishib olindi.
Izoh (0)