Futbol bo‘yicha O‘zbekiston U-23 terma jamoasi Osiyo Kubogi chorak finalida Saudiya Arabistonini mag‘lub etdi.
Timur Kapadze va bugungi o‘yinning eng yaxshi futbolchisi Husayn Norchayev matbuot anjumanida ishtirok etdi.
Barchani bugungi natija bilan tabriklayman. Qiyin uchrashuvda g‘alaba qozondik. Futbolchilarimiz ham yaxshi o‘yin namoyish etishdi. Endilikda maqsadimiz yo‘lida turgan oldindagi o‘yinlarga tayyorgarlik ko‘rishimiz kerak.
O‘yinga emotsional tayyorgarlik haqida
O‘yinga qadar futbolchilar bilan bu tomonlama ham gaplashdik va tayyorgarlik ko‘rdik. Bu futbol, o‘yin davomida har xil vaziyat bo‘ladi. Bugungi o‘yin davomida ham vaziyatlarda sovuqqon va og‘ir bosiqlik namoyish eta oldik, deb o‘ylayman.
Indoneziyaga qarshi kechadigan keyingi o‘yin haqida
Biz bor e’tiborimizni bugungi o‘yinga qaragandik. Lekin Indoneziyaning ham o‘yinini ko‘rdik. Kuchli jamoa, Koreyani turnirdan chiqarib yuborib, o‘z imkoniyatlarini namoyish etishdi. Biz endilikda yarim final o‘yiniga tayyorgarlikni boshlaymiz.
Gol o‘tkazib yubormaslik haqida
Bu albatta jamoaviy mehnat. Himoyalanish hujumchilardan boshlanadi. Shu sababli, gol o‘tkazib yubormaganimiz ortida jamoaviy mehnat yotibdi.
Timur Kapadze, O‘zbekiston OTJ bosh murabbiyi
-J5ULKGdJ.jpg)
Bugungi g‘alabamizni butun xalqimizga bag‘ishladik. Barchani keyingi bosqich bilan tabriklayman. Endilikda yarim final o‘yiniga tayyorgarlikni davom ettirishimiz kerak.
Raqib haqida
Biz Saudiya Arabistoni bilan juda ko‘p marotaba o‘ynadik. Ularni o‘rganib chiqdik, murabbiylarimiz kuchli va kuchsiz tomonlari haqida maʼlumot berishdi. Bugun imkoniyatlarimizdan foydalanib g‘alaba qozondik.
Bu albatta yoqimli, biroq oldimizda yana muhim o‘yinlar bor. Maqsadimiz yo‘lida ushbu o‘yinlarda ham g‘olib bo‘lishimiz kerak.
Husayn Norchayev, O‘zbekiston OTJ futbolchisi
O‘zbekiston U-23 terma jamoasi yarim finalda Indoneziyaga qarshi bahs olib boradi. Uchrashuv 29-aprel sanasida bo‘lib o‘tadi.
Izoh (0)