Тимур Кападзе Саудияга қарши баҳс ҳақида: Ўйин давомида ҳам вазиятларда совуққон ва оғир босиқлик намойиш эта олдик

Футбол бўйича Ўзбекистон U-23 терма жамоаси Осиё Кубоги чорак финалида Саудия Арабистонини мағлуб этди.

Тимур Кападзе ва бугунги ўйиннинг энг яхши футболчиси Ҳусайн Норчаев матбуот анжуманида иштирок этди. 

Барчани бугунги натижа билан табриклайман. Қийин учрашувда ғалаба қозондик. Футболчиларимиз ҳам яхши ўйин намойиш этишди. Эндиликда мақсадимиз йўлида турган олдиндаги ўйинларга тайёргарлик кўришимиз керак. 

Ўйинга эмоционал тайёргарлик ҳақида

Ўйинга қадар футболчилар билан бу томонлама ҳам гаплашдик ва тайёргарлик кўрдик. Бу футбол, ўйин давомида ҳар хил вазият бўлади. Бугунги ўйин давомида ҳам вазиятларда совуққон ва оғир босиқлик намойиш эта олдик, деб ўйлайман. 

Индонезияга қарши кечадиган кейинги ўйин ҳақида

Биз бор эътиборимизни бугунги ўйинга қарагандик. Лекин Индонезиянинг ҳам ўйинини кўрдик. Кучли жамоа, Кореяни турнирдан чиқариб юбориб, ўз имкониятларини намойиш этишди. Биз эндиликда ярим финал ўйинига тайёргарликни бошлаймиз. 

Гол ўтказиб юбормаслик ҳақида

Бу албатта жамоавий меҳнат. Ҳимояланиш ҳужумчилардан бошланади. Шу сабабли, гол ўтказиб юбормаганимиз ортида жамоавий меҳнат ётибди. 

Тимур Кападзе, Ўзбекистон ОТЖ бош мураббийи

Бугунги ғалабамизни бутун халқимизга бағишладик. Барчани кейинги босқич билан табриклайман. Эндиликда ярим финал ўйинига тайёргарликни давом эттиришимиз керак. 

Рақиб ҳақида

Биз Саудия Арабистони билан жуда кўп маротаба ўйнадик. Уларни ўрганиб чиқдик, мураббийларимиз кучли ва кучсиз томонлари ҳақида маълумот беришди. Бугун имкониятларимиздан фойдаланиб ғалаба қозондик. 

Бу албатта ёқимли, бироқ олдимизда яна муҳим ўйинлар бор. Мақсадимиз йўлида ушбу ўйинларда ҳам ғолиб бўлишимиз керак.

Ҳусайн Норчаев, Ўзбекистон ОТЖ футболчиси

Ўзбекистон U-23 терма жамоаси ярим финалда Индонезияга қарши баҳс олиб боради. Учрашув 29 апрель санасида бўлиб ўтади.