Ispaniya Kiyevni Patriot komplekslari uchun raketalar bilan ta’minlaydi, biroq uchirish moslamasining o‘zini topshirishdan bosh tortdi, deb xabar berdi mamlakat hukumatidagi manbalar El Pais gazetasiga.
Nashrning qayd etishicha, Ispaniya Mudofaa vazirligi har biri bir million yevrodan ortiq turadigan “juda cheklangan miqdordagi raketalarni” topshirishga rozi bo‘lgan.
Shu bilan birga, Ispaniya mudofaa departamenti Kiyevning Patriot kompleksining uchirish majmuasini topshirish haqidagi iltimosini rad etdi.
Umuman olganda, Ispaniyada uchta Patriot batareyasi mavjud — biri Turkiyaning Adana shahri yaqinida, ikkinchisi Valensiyadagi harbiy-dengiz bazasida, uchinchisi esa harbiy mashg‘ulotlarda qo‘llanilmoqda. Ularning barchasi 2004-2014 yillar oralig‘ida Germaniyadan sotib olingan.
Politico nashri Afina ham Kiyevga Patriot tizimlarini yetkazib berishdan bosh tortgani, buni Gretsiya va Turkiya munosabatlarida yuzaga kelayotgan vaziyat bilan izohlagani haqida xabar beradi.
Gretsiya Ukrainaga S-300 yoki Patriot tizimlarini yubormoqchi emas. Biz so‘rov oldik, lekin nima uchun buni qila olmasligimizni tushuntirdik bu — tizimlar bizning mudofaa qobiliyatimizni saqlab turish uchun juda muhim, — dedi Gretsiya hukumati rahbari Kiriakos Mitsotakis.
Izoh (0)