“Afrosiyob” poyezdida chiptalar narxi 15-maydan oshadi. Bu haqda “O‘zbekiston temir yo‘llari” AJ matbuot xizmati xabar berdi.
Maʼlum qilinishicha, bu temiryo‘l infratuzilmasini isloh qilish, elektr-energiya, yoqilg‘i, logistika va transport xarajatlarini qoplash, shuningdek, yangi yuqori tezlikda harakatlanuvchi elektropoyezdlarni xarid qilish maqsadida amalga oshirilmoqda.
Shu bois 2024-yil 15-maydan boshlab yuqori tezlikda harakatlanuvchi “Afrosiyob” elektropoyezdlarining chiptalar narxlari ekonom klass 20 foiz, biznes klass 30 foiz va VIP klass 40 foiz miqdorda oshmoqda.
Endilikda narxlar quyidagicha bo‘ladi:
Toshkent—Buxoro
- VIP — 890 000 so‘m
- Biznes — 600 000 so‘m
- Ekonom — 403 000 so‘m
Toshkent—Qarshi
- VIP — 747 000 so‘m
- Biznes — 507 000 so‘m
- Ekonom — 338 000 so‘m
Toshkent—Samarqand
- VIP — 554 000 so‘m
- Biznes — 358 000 so‘m
- Ekonom — 244 000 so‘m
Avvalroq O‘zbekistonda 2024-yil 20-yanvardan boshlab yuqori tezlikda harakatlanuvchi “Afrosiyob” elektropoyezdlari hamda “Sharq”, “Nasaf” va “O‘zbekiston” tezyurar poyezdlarining chiptalar narxi 20 foizga oshishi haqida xabar berilgandi.
Izoh (0)