O‘zbekistonda qancha bo‘sh ish o‘rinlari borligi ochiqlandi

O‘zbekistonda qancha bo‘sh ish o‘rinlari borligi ma’lum qilindi. Bu haqda Kambag‘allikni qisqartirish va bandlik vazirligi ma’lumot berdi. 

Unga ko‘ra, bugungi kunda O‘zbekistonda 340 661 ta bo‘sh ish o‘rinlari (vakant) bor. Joriy yil 24-aprel sanasiga qadar 6 151 432 ta mehnat shartnomalari yagona milliy mehnat tizimida (YMMT) ro‘yxatdan o‘tkazilgan. Jami bo‘sh ish o‘rinlari soni — 340 661 ta:

• Davlat tashkilotlarida — 86 543 ta;
• Xususiy subektlarda — 254 118 ta.

Bo‘sh ish o‘rinlari mavjud korxonalar soni 129 034 tani tashkil etmoqda.

HeadHunter ish qidirishga ixtisoslashgan onlayn-platformasi ish beruvchilar vakansiyasi tahlilidan kelib chiqib O‘zbekistonda haydovchilarga bo‘lgan talab ortganini ma’lum qildi.