Rossiyalik siyosiy muxolif Aleksey Navalniyning xotira marosimiga rahbarlik qilgan ruhoniy o‘z vazifasidan olindi. Bu haqda Rus pravoslav cherkovi Moskva yeparxiyasi maʼlumotiga asoslanib, The Moscow Times nashri xabar berdi.
Manbada aytilishicha, Kreml tanqidchisi “Arktika” qamoqxonasida vafot etganidan 40 kun o‘tib, 26-mart kuni ruhoniy Dmitriy Safronov Moskvadagi Navalniy qabrida xotira marosimini o‘tkazgan. Pravoslav e’tiqodiga ko‘ra, o‘lganlarni xotirlash marosimi anʼanaviy ravishda vafotdan keyin 40-kuni o‘tkaziladi.
Rus pravoslav cherkovi yetakchisi Patriarx Kirill imzolagan farmonga ko‘ra, Safronovga 2024-yil 15-apreldan boshlab uch yil davomida nikoh o‘qish, diniy libos kiyish va ruhoniylar xochi ko‘tarish taqiqlangan. Safronov, shuningdek, Moskvadagi boshqa cherkovga ko‘chirilgan.
Moskva yeparxiyasi Safronovni lavozimidan chetlashtirish uchun sabab keltirmagan. Rasmiylar qarorga asos bo‘lgan sababni aniqlashga kirishgan.
Safronov Navalniy xotira marosimiga rahbarlik qilishdan tashqari, Rossiya qamoqxonasi maʼmuriyatini Navalniyning o‘limidan so‘ng uning jasadini oilasiga qaytarishga chaqirgan. Rossiyaning Ukrainadagi g‘alabasi uchun duo qilishdan bosh tortgan ruhoniylar safida bo‘lgan.
Safronovni vazifasidan olishdan bosh tortgan Patriarx Kirill prezident Vladimir Putinning yaqin ittifoqchisi va Rossiyaning 2022-yilda Ukrainaga bostirib kirishini qattiq qo‘llab-quvvatlagan shaxslardan bo‘lgani xabar qilingan.
Izoh (0)