Россиялик сиёсий мухолиф Алексей Навальнийнинг хотира маросимига раҳбарлик қилган руҳоний ўз вазифасидан олинди. Бу ҳақда Рус православ черкови Москва епархияси маълумотига асосланиб, The Moscow Times нашри хабар берди.
Манбада айтилишича, Кремль танқидчиси “Арктика” қамоқхонасида вафот этганидан 40 кун ўтиб, 26 март куни руҳоний Дмитрий Сафронов Москвадаги Навальний қабрида хотира маросимини ўтказган. Православ эътиқодига кўра, ўлганларни хотирлаш маросими анъанавий равишда вафотдан кейин 40-куни ўтказилади.
Рус православ черкови етакчиси Патриарх Кирилл имзолаган фармонга кўра, Сафроновга 2024 йил 15 апрелдан бошлаб уч йил давомида никоҳ ўқиш, диний либос кийиш ва руҳонийлар хочи кўтариш тақиқланган. Сафронов, шунингдек, Москвадаги бошқа черковга кўчирилган.
Москва епархияси Сафроновни лавозимидан четлаштириш учун сабаб келтирмаган. Расмийлар қарорга асос бўлган сабабни аниқлашга киришган.
Сафронов Навальний хотира маросимига раҳбарлик қилишдан ташқари, Россия қамоқхонаси маъмуриятини Навальнийнинг ўлимидан сўнг унинг жасадини оиласига қайтаришга чақирган. Россиянинг Украинадаги ғалабаси учун дуо қилишдан бош тортган руҳонийлар сафида бўлган.
Сафроновни вазифасидан олишдан бош тортган Патриарх Кирилл президент Владимир Путиннинг яқин иттифоқчиси ва Россиянинг 2022 йилда Украинага бостириб киришини қаттиқ қўллаб-қувватлаган шахслардан бўлгани хабар қилинган.
Изоҳ (0)