Dushanbedagi “Qasri Millat” qarorgohida davlat tashrifi bilan Tojikistonga kelgan Shavkat Mirziyoyevni rasmiy kutib olishga bag‘ishlangan tantanali marosim bo‘ldi. Bu haqda Prezident matbuot xizmati xabar berdi.
Oliy martabali mehmon sharafiga faxriy qorovul saf tortdi. Ikki davlat madhiyalari yangradi.
Prezidentlar Shavkat Mirziyoyev va Emomali Rahmon faxriy qorovul safi oldidan o‘tib, rasmiy delegatsiya aʼzolarini bir-biriga tanishtirdi. Birgalikda suratga tushildi.
Ayni paytda davlat rahbarlari ikki tomonlama uchrashuv o‘tkazmoqda.
Bundan oldin Shavkat Mirziyoyev “Do‘stiy” maydoniga tashrif buyurib, Ismoil Somoniy haykali poyiga gul qo‘ygani to‘g‘risida xabar berilgandi.
Izoh (0)