Locked Shields—2024 mashg‘ulotlari bu yil Estoniyada NATO shafeligida bo‘lib o‘tadi. Ukraina tarixda birinchi marta mazkur mashg‘ulotlarga qo‘shiladi. Bu haqida “Ukrainskaya pravda” ma’lum qildi.
Mashqlarda 40 dan ortiq davlatdan 4000 ga yaqin ekspert ishtirok etadi, ularga xayoliy millat va uning mamlakati infratuzilmasini real sharoitlarga yaqin sharoitlarda kiberhujumdan himoya qilish vazifasi yuklanadi.
Ukraina Milliy xavfsizlik va mudofaa kengashi huzuridagi Milliy kiberxavfsizlikni muvofiqlashtirish markazi xabar berishicha, ishtirokchilar doirasining kengayishi va yangi hamkorlarning jalb etilishi (2023-yilda 33 davlat ishtirok etgan) kibermudofaa sohasida xalqaro hamkorlikni mustahkamlashda mashg‘ulotlarning o‘rni naqadar muhim ekanini ko‘rsatadi.
Ukraina NATOning kibermarkaziga Rossiya bilan urush boshlanganidan ko‘p o‘tmay, 2022-yil martida qo‘shilgan.
Izoh (0)