HAMAS harakati siyosiy byurosi rahbari Ismoil Haniya yaqin kunlarda Turkiya prezidenti Rajab Toyyib Erdo‘g‘on bilan uchrashishi kutilmoqda. Bu haqda Al Jazeera nashri xabar berdi.
Ko‘plab turk yangilik va televideniye nashrlari HAMAS va Turkiya rahbariyati uchrashuvi haqida maʼlumot tarqatgan. Uchrashuv mazmuni HAMAS tomonidan Turkiyani Yaqin Sharq masalasida yechim topishda vositachilik qilishga chaqirishdan iborat bo‘lishi mumkin.
Muzokaralar mazmuni va tafsilotlari keyinchalik oshkor qilinishi xabar qilinmoqda. Uchrashuvning o‘zi esa hafta oxirida bo‘lishi aytilmoqda.
Ismoil Haniya tashrifini Turkiya prezidenti matbuot xizmati rasman tasdiqlab, nashrlarda aylanayotgan savollarga nuqta qo‘ygan. Matbuot xizmati bayonotida prezident Erdo‘g‘on Falastin vakillarini “mehmon qilishi” aytilgan.
Oldinroq G‘azo shimoliga uyushtirilgan Isroil havo hujumi oqibatida HAMAS siyosiy byurosi rahbari Ismoil Haniyaning yetti nafar oila aʼzosi — uch nafar o‘g‘li va to‘rt nabirasi halok bo‘lgan edi.
Izoh (0)