Ukrainadagi urushda kamida 50 ming rus askari halok bo‘ldi — The Moscow Times

Ukrainada ikki yil davom etgan urushda kamida 50 ming rus askari halok bo‘lgan. Bu haqda The Moscow Times nashri xabar berdi.

BBC rus nashri va mustaqil “Mediazona” axborot sayti tomonidan eʼlon qilingan mustaqil hisobotga ko‘ra, 50 ming rus askari halok bo‘lishi bilan bog‘liq statistikani “Kreml” nashri tasdiqlagan. Jarohatlanganlar umumiy soni haqida statistika berilmagan.

G‘arb agentliklari rasmiy bayonotlar, gazetalardagi nekrologlar hisobotlari va ijtimoiy tarmoqlardagi tahliliy postlar orqali halok bo‘lgan rossiyalik askarlar soni haqidagi statistikani tekshirayotgani maʼlum qilingan.

2023-yilda eʼlon qilingan hisobotda 27 300 nafar rus askari halok bo‘lgani aytilgan edi. Ularning mutlaq ko‘pchiligi muddatli harbiy xizmatchilar bo‘lgan.

Jurnalistlarning aytishicha, Rossiya urushidagi qurbonlarning haqiqiy soni ancha yuqori bo‘lishi mumkin. O‘limlar haqidagi statistikaga Rossiya tomonidan bosib olingan Donetsk va Lugansk respublikalaridagi raqamlar kiritilmagan.

Hisobotga ko‘ra, kamida 9000 rossiyalik mahbus janglarga jalb qilingan. Ayni paytda frontda jang qilayotgan mahbuslar soni aytilmagan.

Halok bo‘lgani eʼlon qilingan 50 ming harbiy xizmatchi orasida Rossiya qurolli kuchlarining 3300 dan ortiq ofitserlari bo‘lgan. Ulardan 390 nafari podpolkovnik va undan yuqori unvonda bo‘lgan.